Rəsmi desək “Xarici dövlətlərin ali təhsil sahəsində ixtisaslarının tanınması və
ekvivalentliyinin müəyyən edilməsi (nostrifikasiyası)”. Bəs bu nə deməkdir?
Diplomun Tanınması, Lissabon Konvensiyası, 64 nömrəli Nazirlər Kabinetinin qərarı və digər normativ-hüquqi sənədlərlə tənzimlənir. İlk növbədə, ərizəçilərin sənədləri qəbul olunur, düzgünlüyü yoxlanılır, daha sonra ekspertiza çərçivəsində xarici diplomların Azərbaycanda ali təhsil üzrə dövlət standartlarına uyğunluğu araşdırılır, yəni təhsilin məzmunu, keyfiyyəti, dərs saatları və s. Bütün bu məlumatlar əsasında yekun qərar qəbul edilir.
Qeyd edək ki, 2014-cü ildən etibarən yuxarıda göstərilən bütün bu proseslər elektron ərizə sistemi üzərindən həyata keçirilir. Sənədlərin qəbulundan tutmuş yekun qərarın verilməsinə qədər sıfır təmas prinsipi tətbiq olunur.
Diplomu tanınan universitetlər
Burada əsas sual diplomun “Azərbaycanda tanınmasını əvvəlcədən necə müəyyən etmək olar” sualıdır. Bu məqam böyük əhəmiyyət kəsb edir. Belə ki, ali təhsil müəssisəsi öz ölkəsində tanınmırsa, lisenziyası və ya akkreditasiyası yoxdursa, təhsil müəssisəsinin verdiyin diplom heç bir ölkədə tanınmayacaq. Ona görə valideynlərə, tələbələrə və təhsil alanlara tövsiyə olunur ki, xaricdə oxuyacağı təhsil müəssisəsini seçməzdən əvvəl universitetin statusu barədə hərtərəfli araşdırma aparsınlar və dəqiqləşdirsinlər.
İşə qəbulda diplomun tanınması
Bunu nəzə almaq lazımdır ki, xarici diplomların tanınması icbari deyil. Əgər işə qəbul zamanı işəgötürən tanınma haqqında şəhadətnamə tələb edirsə buna ehtiyac yaranır. Bu halda isə rəsmi veb saytı üzərindən diplomların tanınması barədə müraciət edə bilərsiniz. Əgər bu müraciət müsbət olaraq qiymətləndirilirsə və şəhadətnamə təqdim edildisə bu artıq tanınmadır. Bununla da həmin diplom sahibi Azərbaycan Respublikasında ali təhsillərini davam etdirmək və ya peşə istiqamətlərinə uyğun əmək fəaliyyəti ilə məşğul olmaq hüququ əldə edəcəklər.
Tanınma nəqədər zaman alır?
Tanınma 30 iş günü müddətində həyata keçirilir. Bəzi hallarda tanınma daha uzun müddət çəkə bilir. Buna səbəb həmin ərizənin tanınması üçün əlavə məlumatların, sənədlərin tələb olunması zərurətindən irəli gəlir.
Tanınma ilə bağlı xidmət haqqı ilk illərdə 15 manat təşkil edirdisədə, Nazirlər Kabinetinin 507 saylı qərarı ilə Sənədlərin qəbulu və ekspertizanın keçirilməsi üçün artıq 250 manat dəyərində müəyyənləşdirilib.
Əgər vətəndaşlar və ya ərizəçilər tanınma barədə qərarlardan narazı olarlarsa, onlar qanunvericilikdə nəzərdə tutulmuş qaydada 30 gün ərzində məhkəməyə şikayət edə bilərlər. Qanunvericiliyə yaxın gələcəkdə əlavə və dəyişikliklərdən sonra ərizəçilərin məhkəmə ilə yanaşı, appelyasiya komissiyasına müraciət etmək hüququ da yaranacaq.
Distant təhsilin tanınması
Distant təhsilin tanınması üçün ilk növbədə distant təhsil üzrə tədris proqramları təsdiq olunmalıdır. Təhsil Haqqında Qanunda təhsilin formalarından biri kimi öz əksini tapıb. Lakin buna baxmayaraq pandemiyaya qədər Azərbaycanda sözügedən məsələyə lazımi diqqət yetirilməyib. Bu proqram olduqdan sonra artıq Təsdiq və Keyfiyyət Təminatı Agentliyi xarici distant təhsilinin tanınmasını həyata keçirə bilər. Lakin istisna hal kimi hal-hazırda Agentlik pandemiya səbəbindən təhsilinin bir qismini distant almaq məcburiyyətində olan şəxsləri nəzərə alır.
Türkiyədə təhsillə bağlı suallaranızı bizə yaza bilərsiz.
Makenzo13/10/2023Xaricdə təhsillə bağlı çox araşdırma etdikdən sonra buranı seçdik. Çox rahat və problemsiz dəstək göstərildi bir daha təşəkkürlər.
Arif Guluzade05/10/2023Açığı seçim edərkən şübhələr var idi ) Ancaq xidmətlər əla!
Gismat Mammadov05/10/2023Əla! Hər şey üçün təşəkkürlər!
Ayaz Hesenov03/05/2023Muhasibat ve komputer kursundan yararlanmış biri olaraq tovsiyye edirem 👍
Seide Hesenzade30/03/2023Her sey yuksek seviyyededir
Айдан Шукюрлу29/03/2023Çox yaxşı, uğurlarınız bol olsun
salam.
avropada doktorantura tehsilinin sonunda verilen engD derecesi Azerbaycanda nostrifikasiya zamani elmler doktoru kimi xarakterize olunurmu?
Diplom təsdiqi ilə bağlı ən dəqiq məlumatı Azərbaycan Respublikasının Təhsil Nazirliyinin tabeliyində fəaliyyət göstərən, Təhsildə Keyfiyyət Təminatı Agentliyindən əldə edə bilərsiniz. Əlaqə üçün 146 nömrəsinə zəng edib 8 düyməsini kilik etməniz kifayətdir. Yardımçı ola bildiksə məmnun olarıq. Uğurlar arzu edirik.